უყურეთ ფილმებს HD-ში!

აზიაში წარმოებული ფილმები მსოფლიო კინოინდუსტრიაზე ყოველთვის დიდ გავლენას ახდენდნენ ჩვენთვის უცხო და უნიკალური ხედვით. სამწუხაროდ ჩვენს ქვეყანაში აზიური ფილმები ნაკლებად პოპულარულია, ამ დროს კი მსოფლიოში მისი მნიშვნელობა არნახულად მატულობს. საქართველოში ძალიან ცოტა ადამიანია, ვისაც კორეული კინოს შესახებ მაინც გაუგია. აზიაში ჩამოყალიბდა მრავალფეროვანი დამოუკიდებელი ჟანრები და ნებისმიერი ჟანრის კინომოყვარულთა გემოვნებას აკმაყოფილებს. ყველა ფილმს თავისებური მხატვრული ღირებულება გააჩნია. აღსანიშნავია ის ფაქტიც, რომ მთელი აზიის კინოინდუსტრია დაინტერესებულია კოპროდუქციის შექმნით, პარალელურად კი ჰოლივუდი კორეული ფილმების "რიმეიქების" შექმნის მიზნით ცდილობს თავისი წილი მოგების მიღებას. აზიის ერთ-ერთი მდიდარი კულტურის მქონე ქვეყანა იაპონიაა. "ანიმე" იაპონელმა ანიმატორებმა შექმნეს და ჩვეულებრივი მულტფილმისგან იმით გამოირჩევა, რომ მასში სპეციფიკური კულტურული თვისებები და ატრიბუტები იკვეთება. გარდა ამისა, აქვთ განსხვავებული ხატვის სტილი და ჟანრთა ფართო არჩევანი. მისი ყველა პერსონაჟი იქმნება გარკვეული სტილის კანონიერების შესაბამისად.