Amazon-მა "ბეჭდების მბრძანებლის" სერიალის სადებიუტო თიზერი და სახელწოდება გაავრცელა. პროექტს "ბეჭდების მბრძანებელი: ძალაუფლების ბეჭდები" ერქმევა.

სადებიუტო ვიდეორგოლში სერიალიდან კადრები არ არის ნაჩვენები, თუმცა ნაჩვენებია ბეჭდების შექმნის პროცესი.

უცნობია, ვის ეკუთვნის ხმა, რომელიც თიზერში ისმის, მაგრამ ეს დიდი ალბათობით ახალგაზრდა გალადრიელი იქნება, რომლის როლსაც მორფიდ კლარკი ასრულებს.

სიუჟეტი შუამიწეთის მეორე ეპოქაში ვითარდება და ნაჩვენები იქნება, თუ როგორ მოიპოვა საურონმა ძალაუფლება.

პრემიერა 2022 წლის 2 სექტემბერს არის დაგეგმილი.